零食大搜查（十二月）

就快到聖誕節啦，準備好瘋狂購物未呢？等我同大家一次過介紹10+款低脂嘅零食同飲品啦。*\(^o^)/*

過時過節少不免會想飲返兩杯。但酒精不單止高卡路里，更加沒有營養價值。同大家介紹三隻 零卡路里或零酒精的啤酒，咁飲多兩杯都唔怕增磅啦。$19.9@一田有售。

 除咗自製雪條，要食甜品嘅話，都可以考慮吓呢幾款雪條冰冰（雪糕勁高脂，都係雪條比較健康）。最低卡嗰款大概29卡一條，幾好咬好架，我每次食半條都係得15卡咋！打多幾個乞嗤都消耗咗啦！( ´ ▽ ` )ﾉ (《食神傳說》有售。)

(一田有售) 

 丸類本來係減磅大敵，但呢隻花枝丸零脂肪同較淡口，可以一試。($29.9 一田有售)

 冬天想保暖嘅話，可以飲吓薑茶。但係市面上售賣嘅薑茶，好多都已經加左糖。呢隻瞬間粉，只需要用少少就好足夠，無記錯好似係台灣嘅出品，比起國內嘅較有信心保證。

 唔好以為57卡一小包就好健康~~ 睇睇個標籤先~~ ^__^  每100克有36.8克都係糖...... Fat rate = 7.2克

 減肥係咪唔可以食蛋糕呢？其實都唔一定。如果我好想食，都會俾自己食少少（每日可留150卡做零食quota。相中呢三款微波爐叮叮蛋糕，卡路里同脂肪都比一般蛋糕低好多。$12店有售。

 韓國米通（兩隻味），每條大概三十幾卡路里，糖份同脂肪都唔高，可放心食用。（每次三兩條好嘞）^_^ 《食神傳說》有售。

 

 實用產品系列：日式吸油紙。用瘦肉煲湯或者炆嘢，都會有一定嘅油脂。想進一步減少油份，可以試吓用呢隻吸油紙。$12店有售。有兩款size選擇。

 自從戒甩咗我一生中嘅最愛— 薯片之後，我間中都會食米餅當零食。但唔係所有米餅都一定係健康架，相裡面（右）呢款就係反面教材嘞。(￣▽￣)

脂肪率 = 26.6% 和一般薯片無乜分別。所以喺購買食物之前，不妨花十秒睇睇個營養標籤吖。（唔講邊度買嘞，要食就食健康啲嘅米通啦。）（＾ν＾）