2015年5月31日

果欄嘆椰皇

喺油麻地果欄嘆椰皇中($15@)!

1杯(240毫升)的椰青水含46千卡和約2茶匙糖。每杯約含1份水果的糖份。椰青水含豐富鉀質、鈉質和礦物質。夏天喝椰青水可降火,幫助身體補充水份和電解質。

***留意椰青水同肥爆嘅椰汁係唔同架。

https://www.facebook.com/Kaysprivatekitchen

2015年5月30日

KitKat 朱古力

睇書同雜誌都見過有營養師推薦呢隻零食,話都好適合當下午茶或小食。


KitKat朱古力(圖中為黑朱古力味)
味道:有紅、黑、綠茶同芝士蛋糕味。
營養資料:一條64千卡 + 接近1茶匙油

食後感:
唔抵食!極細條(尾指咁長咋),又易溶喎,咁就64千卡,我覺得好唔「抵」。此外,亦都有一次過食晒13小包嘅危機,要試都最好先搵人分享。($23左右759 阿信屋)

2015年5月29日

鰹魚乾片 + 白蘿蔔 + 金菇 + 蛋 + 芋絲 + 昆布(結) ---> 極低卡嘅關東煮

Kay又有好嘢介紹俾大家嘞~! ^o^

減磅就要放棄美食?! No No~~!



相中嘅鰹魚乾片用嚟放湯配烏冬、芋絲、蔬菜等等真係正到暈!一鍋水用幾片已經完全有海鮮同魚魚嘅甘甜!係唔想用清水同雞湯以外嘅上上之選。日本人會用嚟做簡單嘅關東煮-- 極低卡但又好飽肚!材料可以用:

鰹魚乾片 + 白蘿蔔 + 金菇 + 蛋 + 芋絲 + 昆布(結) ---> 極低卡嘅關東煮

鰹魚乾片,又稱柴魚片、木魚花、木魚碎,係將鰹魚乾刨成薄片而成,為魚乾片最常見的種類之一。(Wikipedia)

俾大家參考一下鰹魚乾片嘅用途。

**柴魚片常做為日式高湯的底料,也時常加入味噌湯的湯底,增加味噌湯的鮮味及甜味。
**柴魚片可用於皮蛋豆腐及涼拌豆腐作為調味品。
**在日本可將柴魚片灑在白飯上,淋上醬汁後食用,稱為「貓飯」。
**灑在章魚燒做為佐料。

相中一包110克,成份就只有魚魚和魚,沒有其他添加劑。^^我喺AEON超市買嘅,大約$20+。另有大包裝和薄片裝。呢包兩個人食嘅話,大概可以食到4-5餐左右。

慈善午餐 @ 尖沙咀Jamie's Italian 新店


Kay和愛人有幸獲邀於27/5率先到了Jamie Oliver在尖沙咀還未正式開幕的新店Jamie’s Italian食lunch~ (門口暫時寫"we are hosting a private event”, 但據聞這兩天會正式開業了) 由於是次的全單50%會撥捐香港癌症基金會,Kay都不得不暫時拋開卡路里的顧慮,實行邊吃邊做善事!
我們的訂枱本來是1:45, 但由於人太多,最終要稍等至2:00方可入座。可能是沒有其他空枱吧?我們竟然被安排到VIP房坐!除可享受高度的privacy之餘,還有一個專serve我倆的waiter~ 有點小幸運喔。不過,由於房間內的燈光非常幽暗,侍應主動提出拿蠟燭來給我們照明,但最後卻不了了之。
Jamie的瘋粉可以到這裡大買特買!
餐牌是中英文雙語設計,餐廳內部分的裝潢也很有香港的特色。只是VIP房內的吊燈設計比較令人摸不着頭腦,因為吊燈很長,但房內的樓底又不算很高,以致每次站起來的時候,都會有撞穿頭的風險。愛人說,基於本能,撞到頭的機會其實不大⋯⋯ 三分鐘之後,熱情的侍應提出要替我們拍照,不知愛人是太高興還是怎樣,竟然嘭一聲的在此時「中了頭獎」!
就是這幀合照~~ ^^
Anyway, 當天的服務算是不錯,侍應會在了解客人的口味和要求後,用心推介不同的食物和飲品;空閒時還會和客人small talk~ 愛人覺得太talkative的侍應會令他有點吃不消,但我覺得還好。
拍照效果~~
喝了一口之後~ XDDD
飲品:我們先點了鮮製檸檬汁和充滿麥香的意大利啤酒(JI Lemonade HK$48 & DR Poretti $65)~ 基於健康的考量,我點的檸檬汁是無糖的,但很多其他的飲品原來都不能夠「走甜」。此外,點咖啡的話亦沒有豆奶、脫脂或低脂奶可選,有奶類敏感的朋友要留意。

前菜:我們聽從侍應的建議點了新鮮蟹肉烤麵包配以茴香片、檸檬和辣椒 (Fresh Crab Bruschetta $70)~ 但這道菜到我們用餐完畢也沒有出現過,細問之下才知道漏單了。(^_^*)
人多的話,真的要4款都點,因為單是吃超有嚼勁的餅底已經值回票價。
主菜:我們選了劃一12吋薄餅(香港風情辣味薄餅Hong Kong Hot $178)和紙包魚(Fish in a Bag $170)。由於全球只有六間 Jamie’s Italian有現製薄餅的Pizza Kitchen, 所以無論如何也不可以錯過!暫時香港就只有尖沙咀分店有Pizza Kitchen, 要吃現製兼超有嚼勁的餅底,必定要來這分店!薄餅的厚薄適中,除了三數片茴香莎樂美辣肉腸、香辣肉丸和茄醬之外,還有我最最喜歡的醃漬墨西哥辣椒和車打+水牛芝士!原來「香港風情」這四個字,在Jamie Oliver眼中就是鹹鹹辣辣好cheesy的感覺。
至於紙包魚呢,就是將蜆、銀魚柳、青口和茴香等材料,以牛油紙和錫紙包住再焗的一道菜色。味道沒有很特別,就是大家在家中都可以輕易弄到的一道料理吧。^.^
配菜:我們點了有松露油香+巴馬臣芝士的闊佬薯條(Posh Chips $50) 和火箭菜巴馬臣芝士沙律 (Rocket Salad $40)~ 沙律落單時叫了走橄欖油,但我萬萬想不到的是,沙律裡竟然有大量的海鹽,鹹度應該會令我即時生腎石,(⌒▽⌒) 所以我吃了兩口就投降了。不過,吃意大利菜(或外食)大概都是這樣吧?除了會吃進大量牛油、橄欖油和各式各樣的芝士之外,鹽也會完全在一餐內超兩日的標。唔,總之不是每天都這樣食就好。
Jamie's Italian English Menu (Hong Kong)
Jamie's Italian Chinese Menu (Hong Kong)
Jamie's Italian Desserts Menu (Hong Kong)
埋單:$551(有75折)= $413.2
由於10人以下非party不會收取10%服務費,所以記得要留小費給侍應(單上有建議金額,以10%起跳。)


甜品:呀!飽到完全忘了要點甜品,直至結帳離開後才猛然醒覺,可見我天生不是女人,因為我只得一個胃。( ̄▽ ̄)

Jamie’s Italian
地址:尖沙咀海港城海洋中心4樓412鋪
電話:37583333


飲食男女介紹


2015年5月28日

33度的午餐

落咗好多日雨,今日終於放晴!但係天氣突然間變得咁熱,我真心食唔落飯,好在前日encore訂咗曉峰有機菜,雪櫃有迷你雙色蕃茄仔同免洗沙律菜,我只係撈個意粉同用LC Skillet煎塊牛扒同愛人share就又搞掂一餐。


話你知,成功減磅前,我係完全唔食生蕃茄嘅。因為我覺得蕃茄有陣生水味,好腥又唔好食。但後來了解咗蕃茄嘅好處、又意外地食過好好味嘅車厘茄之後,先至慢慢接受咗呢個低卡新朋友。


關於蕃茄:蕃茄不含任何脂肪,糖份低、卡路里又低(每100克約含15千卡),絕對有助減重。此外,蕃茄還有豐富的食物纖維,能夠幫助排便和提高新陳代謝,非常適合有便秘困擾的朋友。

***呢種碟好好用,我喺Franc Franc買嘅,可以好清楚分返菜肉同五穀嘅比例。
***意粉可以煮多少少,當晚餐又或者留返第二日返工做凍食。最新有研究顯示,隔夜再reheat嘅意粉,因為有抗性澱粉嘅關係,比新鮮現煮即食嘅意粉更低GI值更健康!
https://www.facebook.com/Kaysprivatekitchen

2015年5月17日

忽周訪問短片

攝影師好勁!咁都俾佢捕捉到我嘅平時喪笑嗰陣嘅真面目!自己睇返都覺得唔好意思,幾廿歲人一啲儀態都冇。

喺今次嘅訪問裡面,我分享咗書裡面其中三個食譜嘅做法,有興趣嘅話就快啲click嚟睇吓啦。至於片中餵我食飯氹得我好開心嗰個就梗係我愛人Adrian啦。

2015年5月15日

《忽然一周》15.5.2015

繼續同大家分享愈食愈瘦嘅飲食心得!有興趣可以揭揭今期(15/5/2015)《忽然一周》啦(P.114起)。*\(^o^)/*

今次愛人都有獲邀一齊做訪問,大家遲吓可以上網搵佢條片睇吓佢係幾咁搞笑。(睇張相大概都會感受到佢嘅搞笑細胞!)

夏天正式到咗嘞,係全年減磅動力最大、開始瘦身計劃嘅大好時機!!仲未買我本《愈食愈瘦》嘅朋友就要快手嘞,正所謂「早買早享瘦,遲買肥膏又多幾舊」嘛!(=^x^=)早買仲可以參加抽獎,贏取Tabasco限量紀念珍藏版同其他精彩禮物!

有好多讀者都問幾時可以見面傾吓計咁,我諗最快要等七月書展嘞,希望到時大家會嚟齊齊交流吓瘦身心得啦。\(^o^)/

2015年5月4日

鰹魚乾片 - 極低卡嘅關東煮

Kay又有好嘢介紹俾大家嘞~! ^o^

減磅就要放棄美食?! No No~~!
相中嘅鰹魚乾片用嚟放湯配烏冬、芋絲、蔬菜等等真係正到暈!一鍋水用幾片已經完全有海鮮同魚魚嘅甘甜!係唔想用清水同雞湯以外嘅上上之選。日本人會用嚟做簡單嘅關東煮-- 極低卡但又好飽肚!材料可以用:

鰹魚乾片 + 白蘿蔔 + 金菇 + 蛋 + 芋絲 + 昆布(結) ---> 極低卡嘅關東煮

鰹魚乾片,又稱柴魚片、木魚花、木魚碎,係將鰹魚乾刨成薄片而成,為魚乾片最常見的種類之一。(Wikipedia)
俾大家參考一下鰹魚乾片嘅用途。

**柴魚片常做為日式高湯的底料,也時常加入味噌湯的湯底,增加味噌湯的鮮味及甜味。
**柴魚片可用於皮蛋豆腐及涼拌豆腐作為調味品。
**在日本可將柴魚片灑在白飯上,淋上醬汁後食用,稱為「貓飯」。
**灑在章魚燒做為佐料。

相中一包110克,成份就只有魚魚和魚,沒有其他添加劑。^^我喺AEON超市買嘅,大約$20+。另有大包裝和薄片裝。呢包兩個人食嘅話,大概可以食到4-5餐左右。