K for Kitchen 瘦身廚房: 出街食乜好•揀飲擇食篇

顯示具有 出街食乜好•揀飲擇食篇 標籤的文章。顯示所有文章

2017年1月13日

【出街食乜好-- 雅·悠蔬食】

由於我幾乎日日自己煮，加上天生嘅個性就係奄尖腥悶(*≧ω≦)，所以真係比較少出街食。亦都係因為咁，我喺度推薦俾大家嘅餐廳，各位都可以放心試，保證服務同食物嘅質素都有返咁上下。

先睇尋晚gathering嘅菜式先：

前菜

四喜烤夫

（烤夫係我最喜愛嘅前菜頭三位！）

前菜

柚香紅菜頭蘋果拌合桃

（蘋果染咗紅菜頭天然嘅紅色，成個沙律勁fresh勁清好juicy！）

前菜

麻醬沙薑豆絲粉皮

（細個成日去醉瓊樓食沙薑雞，但醉翁之意不在雞，而係碟沙薑！呢個前菜將我最鍾意嘅沙薑混落啲粉皮度，簡直錯到離晒譜！╮(╯▽╰)╭ 因為佢冇可能只係一個前菜，佢咁好食！！我好希望佢有朝一日會吐氣揚眉變成主菜，等我一個人叫一碟獨食開心吓。(*≧ω≦)

湯品

菠菜忌廉桃膠濃湯（冇相添）

（其實我係唔太鍾意飲湯嘅）

竹笙紅棗蓮子百合黃耳燉湯

（雖然話唔鍾意飲，但呢個燉湯真係真材實料夠晒火候，我都全部飲晒！席上仲有朋友表演咗連飲兩盅添。）

招牌菜

蜜汁脆鱔

（炸嘢好難唔好食，呢個仲要加埋蜜糖同埋陳醋，鍾意呷醋嘅朋友千祈唔好錯過）

招牌菜

香芒牛油果苜蓿芽手卷

（⋯⋯望落去好悶嘅一個招牌菜⋯⋯ 但一啖咬落去之後，我即刻睇下枱面仲有冇多一舊俾我encore！）

招牌菜

鹽酥靈芝菌

（個名比較平實，但你睇張相就應該想像到究竟有幾好味。想像唔到？咁你自己要去試吓，唔好食返黎鬧我。( ´▽｀)

招牌菜

松露薯蓉焗大啡菇

（焗大啡菇我自己都成日整，但加埋松露同薯蓉都係第一次試）

招牌菜

大啡菇黑松露薄餅

（大家一路睇到呢度，有冇已經覺得開始飽呢？(*≧ω≦) 係呀，仲未到主菜㗎！多人一齊食飯就有呢個好處，大家不妨呼朋喚友一齊嚟，可以食多幾個餸。）

主菜

和風牛肝菌野菜忌廉扁意粉

（牛肝菌 + 忌廉，淨係呢配搭，已經令人好回味！）

主菜

椰香鮮茄冬蔭功意大利飯配香酥蒟蒻

（我鍾意所有酸辣、同有香茅、南薑、青檸味道嘅泰式食物！）

主菜

青咖喱野菜猴頭菇配印度薄餅及珍珠糙米飯

（冇肉嘅青咖喱都一樣咁惹味！）

主菜 栗子紫薯牛油果鮮豆包焗千層闊麵

（覺得會比較普通但依然非常有驚喜嘅闊麵，天然嘅甜味萬歲！）

甜品

芒果椰汁糯米飯

（經典之中嘅經典，再飽都要食晒！）

宇治抹茶紅豆豆腐布甸

（我其實唔太鍾意食綠茶嘅嘢）

甜品

紅棗乳酪蛋糕

（用紅棗天然嘅甜味同顏色做出嚟嘅蛋糕真係要俾十個讚！我飽到反眼都全部食晒！搵日都想試用紅棗做蛋糕同甜品）

哎呀，唔記得咗講，呢間其實係一間素食餐廳，仲要係一間無用任何素肉或植物肉嘅餐廳。香港嘅素食喺近幾年已經靜靜地起咗翻天覆地嘅革命。以前嘅素食根本就係 = 超油、超炸、酸齋、咖喱齋、麵筋、炸腐皮、素蠔油同一堆唔同顏色嘅汁。但喺雅●悠蔬食，你一定會有另一番體會。嚟緊新年，如果想食green啲，可以考慮吓食餐素吖。

餐廳：雅●悠蔬食
地址：尖沙咀金馬倫道48號中國保險大廈3樓B號舖
電話：3706 5827
$$$$：晚餐$228起 (5道菜)

#記得預先訂位 #晚晚都爆 #侍應超友善 #老闆娘更加隨和得不得了 #愈成功愈謙虛愈和善 #值得學習 #素食 #雅·悠蔬食 #悠蔬食

♡※♡※♡※♡※♡※♡※♡※♡※♡※♡※♡※♡
《K for Kitchen 瘦身廚房》

Like我的 Facebook 專頁 (睇更多健康食譜&食物介紹)

https://www.facebook.com/kforkitchenhk
Bookmark K for Kitchen 瘦身廚房 Blog
http://kforkitchen.blogspot.hk/

Follow 我的 Instagram https://www.instagram.com/k_for_kitchen/?hl=en

我的著作：《愈食愈瘦》《愈食愈瘦 2》

http://www.cp1897.com.hk/product_info.php?BookId=9789888276776

加入《Kay減肥及健康產品代購谷》

https://www.facebook.com/groups/1560377917612654/
♡※♡※♡※♡※♡※♡※♡※♡※♡※♡※♡※♡

2016年10月11日

【好耐無同大家見面嘅🍴出街食乜好🍴】

沙田連城廣場 'Hungry Korean'

類似嘅韓國快餐宜家成行成市

下次要食韓國快餐，大家可以考慮揀：

【豆腐湯配🍚白飯】 $44

等候時間7-8分鐘 @晏晝2:15 (2:30開始係Tea Time, 平日$10!)

呢個lunch有：

四件滑豆腐、一隻蛋、一隻青口

少少洋蔥、韭菜、翠玉瓜，仲有一隻蝦

冇乜油，唔太咸、🌶唔太辣（可少辣或走辣）

有豐富同優質蛋白質

不過因為呢餐 明顯唔太夠纖維

返屋企今晚要食多啲菜

或者補返少少奇亞籽

同場加映

魷魚飯卷$34

係買俾老公做茶點嘅

佢今晚又夜食嘞

我會安排五六點俾佢食少少嘢

九點半先食個light dinner

忙碌嘅你都記得要盡量少食多餐呀

***Kay減肥及健康產品代購 https://www.facebook.com/groups/1560377917612654/

***想睇更多健康食譜 & 減磅貼士，請到：https://www.facebook.com/kforkitchenhk

2016年1月18日

【喺便利店都可以食得light啲】

呢排經過OK同7-11，發現原來都新出咗唔少較健康嘅選擇：OK嘅香辣雞肉滋味卷, 仲有7-11嘅烚蛋火腿三文治同叮叮五色雜菜。

早餐我通常都會自己整，但尋日真係忙到甩轆！咁啱經過地鐵站，我放棄咗健康X房嘅杞子燒賣（又貴又肥喎）同埋美X嗰啲高脂高糖食一個又一定唔會飽嘅麵包；揀咗OK嘅香辣雞肉滋味卷$23。佢低脂又冇汁，雞肉正正經經勝在唔會有過分嘅調味，紫洋蔥香辣又fresh, 如果要喺便利店揀早餐，佢暫時會係我嘅首選。（當日仲+$1配咗低糖豆漿）

7-11都有好嘢嘅：烚蛋火腿三文治$13同叮叮菜$14！有機會再同大家介紹啦。今日好攰，要早啲抖。👋🏼😴💤

OK便利店 Circle K Hong Kong 7 11 7-11 Circle K

2015年6月18日

香港首間MUJI Bakery + MUJI Cafe + MUJI @ 合和中心新店

上星期五到了剛於六月開幕，位於灣仔合和中心的Café & Meal MUJI吃午餐。作為日本以外的第一間MUJI BAKERY，我最期待的，當然就是他們的麵包和蛋糕啦。

這間MUJI分為三個部分：MUJI（主要售賣食物和食器）、MUJI BAKERY（全日本也只有南青山、有樂町等幾家分店！）和MUJI CAFE（香港第二分店）。

午餐餐牌

惹味非常的甜椒醬炸雞（好juicy!!）

滑滑嫩嫩又酸酸甜甜的黑醋醬豚肉

番茄露筍鯖魚

和銅鑼灣的MUJI CAFE不同，這樣有許多有禮的waiters serve食客，不用自己取餐。食物都是一貫的和食：冷盤都是以沙律、涼拌及醋漬等為主。熱食方面，選擇沒有銅鑼灣分店的多，但甜椒醬炸雞、黑醋醬豚肉和番茄蘆筍鯖魚等的主煮食也非常出色。餐飲有咖啡和凍頂烏龍茶可選，跟餐加$15一杯。

至於bakery部分，店內日系、歐陸系麵包有50款，近半數的款式與日本一樣，採用日本小麥粉搓製麵糰。許多材料都標明由日本入口，想吃100%日本味道的朋友，就不要錯過以「十勝紅豆、南瓜、牛蒡和蓮藕」等材料焗製的麵包喔。其實除了麵包，bakery內還有新鮮三文治、鬆餅和多種不同口味的麻糬等等。

Scones in green tea and original flavor

當日買了雜穀麵包、小全麥包、黑豆沙包、黑芝麻黃梅合桃包、枝豆法包、十勝紅豆包、原味及抹茶鬆餅和袋裝麻糬等等。（全部合共$155左右）

賣相討好的蔬菜意大利包、法包和野菜火腿／香腸三文治等

當日買了好幾款麵包，感覺全部都真材實料，沒有聖X娜和美X等大型連鎖麵包店的空心情況。不過，聲稱鹽分較少、較淡口的MUJI麵包，不知怎的，到了Kay的嘴裡，仍然是覺得太鹹⋯⋯吃了不久就好想喝水。^^ 哈，試過之後可以告訴我你有沒有同感。

總的來說，MUJI的麵包沒有令我失望但也沒有太大的驚喜。價格定位方面似乎比日本還要貴（應該是香港的土地問題吧？）Y(^_^)Y，未試過MUJI Bakery出品的朋友，建議不用專程去朝聖，但如果剛好路過的話，那就不妨買幾款麵包嘗嘗哦。

Café & Meal MUJI

地址：灣仔皇后大道東183號合和中心地下

電話：3971 3280

營業時間：11am-10pm

官網：http://www.muji.com/hk/flagship/hopewell/

2015年5月29日

慈善午餐 @ 尖沙咀Jamie's Italian 新店

Kay和愛人有幸獲邀於27/5率先到了Jamie Oliver在尖沙咀還未正式開幕的新店Jamie’s Italian食lunch~ (門口暫時寫"we are hosting a private event”, 但據聞這兩天會正式開業了) 由於是次的全單50%會撥捐香港癌症基金會，Kay都不得不暫時拋開卡路里的顧慮，實行邊吃邊做善事！

我們的訂枱本來是1:45, 但由於人太多，最終要稍等至2:00方可入座。可能是沒有其他空枱吧？我們竟然被安排到VIP房坐！除可享受高度的privacy之餘，還有一個專serve我倆的waiter~ 有點小幸運喔。不過，由於房間內的燈光非常幽暗，侍應主動提出拿蠟燭來給我們照明，但最後卻不了了之。

Jamie的瘋粉可以到這裡大買特買！

餐牌是中英文雙語設計，餐廳內部分的裝潢也很有香港的特色。只是VIP房內的吊燈設計比較令人摸不着頭腦，因為吊燈很長，但房內的樓底又不算很高，以致每次站起來的時候，都會有撞穿頭的風險。愛人說，基於本能，撞到頭的機會其實不大⋯⋯ 三分鐘之後，熱情的侍應提出要替我們拍照，不知愛人是太高興還是怎樣，竟然嘭一聲的在此時「中了頭獎」！

就是這幀合照~~ ^^

Anyway, 當天的服務算是不錯，侍應會在了解客人的口味和要求後，用心推介不同的食物和飲品；空閒時還會和客人small talk~ 愛人覺得太talkative的侍應會令他有點吃不消，但我覺得還好。

拍照效果~~

喝了一口之後~ XDDD

飲品：我們先點了鮮製檸檬汁和充滿麥香的意大利啤酒(JI Lemonade HK$48 & DR Poretti $65)~ 基於健康的考量，我點的檸檬汁是無糖的，但很多其他的飲品原來都不能夠「走甜」。此外，點咖啡的話亦沒有豆奶、脫脂或低脂奶可選，有奶類敏感的朋友要留意。

前菜：我們聽從侍應的建議點了新鮮蟹肉烤麵包配以茴香片、檸檬和辣椒 (Fresh Crab Bruschetta $70)~ 但這道菜到我們用餐完畢也沒有出現過，細問之下才知道漏單了。(^_^*)

人多的話，真的要4款都點，因為單是吃超有嚼勁的餅底已經值回票價。

主菜：我們選了劃一12吋薄餅(香港風情辣味薄餅Hong Kong Hot $178)和紙包魚(Fish in a Bag $170)。由於全球只有六間 Jamie’s Italian有現製薄餅的Pizza Kitchen, 所以無論如何也不可以錯過！暫時香港就只有尖沙咀分店有Pizza Kitchen, 要吃現製兼超有嚼勁的餅底，必定要來這分店！薄餅的厚薄適中，除了三數片茴香莎樂美辣肉腸、香辣肉丸和茄醬之外，還有我最最喜歡的醃漬墨西哥辣椒和車打+水牛芝士！原來「香港風情」這四個字，在Jamie Oliver眼中就是鹹鹹辣辣好cheesy的感覺。

至於紙包魚呢，就是將蜆、銀魚柳、青口和茴香等材料，以牛油紙和錫紙包住再焗的一道菜色。味道沒有很特別，就是大家在家中都可以輕易弄到的一道料理吧。^.^

配菜：我們點了有松露油香+巴馬臣芝士的闊佬薯條(Posh Chips $50) 和火箭菜巴馬臣芝士沙律 (Rocket Salad $40)~ 沙律落單時叫了走橄欖油，但我萬萬想不到的是，沙律裡竟然有大量的海鹽，鹹度應該會令我即時生腎石，(⌒▽⌒) 所以我吃了兩口就投降了。不過，吃意大利菜（或外食）大概都是這樣吧？除了會吃進大量牛油、橄欖油和各式各樣的芝士之外，鹽也會完全在一餐內超兩日的標。唔，總之不是每天都這樣食就好。