同大家分享我今日做過啲咩先。
一早起身第一件事就係拍片。今日又係超開心,我覺得我嘅「演出」好有突破!你睇下導演同埋兩位攝影師幾咁認真就知條片出嚟一定會好好笑,想知點解要拍到用晒保鮮紙保護個鏡頭,啲片出街嘅時候就請多多支持嘞。
第二件事係去做我最鍾意做嘅帶氧+負重運動-- 行街!!!^^係呀,我好鍾意連續三四個鐘唔停咁行街,仲要買到一手都係,務求令到自己行多啲行快啲。我減磅嗰時都係靠呢招燃燒額外嘅卡路里,順便又可以為咗每星期嘅進步(藉口)而奬勵一下自己。
最後,梗係要去我最鍾意嘅超市啦。除咗新鮮椰皇水之外,其實超級市場裡面仲有好幾隻無添加任何糖分或者古怪成份嘅椰子水!MEKO呢隻都OK飲得過!此外, Starbucks都入咗一隻玻璃樽裝嘅椰子水,嗰隻都係無添加糖,算係健康之選。
Hi Kay, 我買左你本愈食愈瘦,日咪夜咪。想去買齊你介紹嘅食材同零食,建議你出本介绍買減肥食材同零食嘅地方同食品,等我一本在手,容易拎住四出搜尋。
回覆刪除Thanks so so much for your suggestion, Olive!! 等我即刻諗諗有冇得做先~ ^^
回覆刪除