美心冰粽（水果味）試食報告

端午節想食糭但係又怕肥，可以試吓呢啲新派嘅冰粽。（不過過節食一隻半隻粽都唔會真係即刻肥一兩磅！只要唔係日日食就得。）^_^

我用現金價$45買咗一盒四隻美心嘅水果系列冰粽。返到屋企即刻打開蘋果味試一試。唔⋯⋯

所有冰粽嘅油份都極低，但你都應該估到佢哋嘅糖份好高。^_^不過由於每一隻冰粽都係細細粒（我量過係不足60克），所以卡路里唔算好高，以我食咗嘅蘋果味嚟講，每隻就大約有120千卡。

當然，我完全唔覺得呢粒嘢同粽有任何關係。你話係糯米糍或者冰皮月餅我會覺得更貼切。當過節攞個意頭OK~~ 但我都係鍾意食梘水粽同鹹肉粽多啲。