早餐未必有太多時間預備，介紹呢個方便快捷嘅香脆芝士卷配茄汁豆，平日返工都可以有個健康嘅good morning啦！
無皮麥包4片
低脂芝士4片
茄汁豆適量
（220克細罐=187卡）
1. 將麵包用棍壓平。
2. 夾一片芝士捲起。
3. 放進已預熱至180度的焗爐內焗5分鐘至芝士溶解。
4. 亦可用平底鑊加熱。
5. 可配茄汁豆同吃。
小貼士
1. 茄汁豆脂肪低又飽肚，只是鹽份稍高，間中食用不會影響減磅進度。
我的【瘦身雜貨店】網址：www.kforkitchenhk.com 暢銷書《愈食愈瘦》及《愈食愈瘦2》的作者Kay，是香港金閱獎2016最佳醫療健康書的得獎作家。曾花6個月時間成功減去40磅兼無反彈。近年集中創作健康又滋味的食譜，以破解瘦身就等於要過清蒸白烚生活的迷思。新作《愈食愈瘦3》（暫訂名稱）亦將於2018年5月推出。
2014年12月6日
冬日必食 -- 枝竹羊腩煲
氣溫驟降，Kay前兩日即刻整咗個枝竹羊腩煲俾愛人嘆下！羊腩肥肉較多，可先拖水減油。炆好後加入豆苗或唐蒿則可增加纖維，令營養更均衡。
材料（2-3人份）
羊腩1磅
枝竹1大碗
豆苗1/2斤
香料包（可略）
南乳1件（約2湯匙）
薑蔥少許
油2茶匙
酒或味琳適量
做法
1. 羊腩稍為出水去油。
2. 熱油鑊，爆香薑蔥。
3. 下兩杯水、南乳、羊腩和香料包。
4. 煮大半小時至羊腩完全腍身。
（壓力煲約20分鐘+焗10分鐘左右）
5. 加入已洗淨的枝竹和豆苗煮滾。
6. 加入酒。可原鍋上桌趁熱享用。
小貼士
1. 加入紅蘿蔔或馬蹄會更清甜。
2. 這道料理油份較高，脂肪率較高的朋友要限量進食喔。
2014年12月5日
2014年12月4日
德國寶「超級全能飯煲」- 老火湯 & 炆排骨
上星期收到新玩具，係Compass Visa的迎新禮品— 德國寶的「超級全能飯煲」。
坦白講，我一直對這個品牌無特別的好感 ^^'，亦都好驚用任何壓力煲或真空煲，因為硬係覺得好似好危險咁。但係，所有負面印象竟然因為一煲湯而徹底改變咗！女人都係⋯⋯比較善變。(☆_☆)
收煲後的第二天，我決定要煲「花膠螺片青紅蘿蔔煲瘦肉」為這個「超級全能飯煲」開光！一切準備就緒，我按下了「煲湯」鍵，三十分鐘之後，竟然，竟然真的和老火湯一樣！！（似用慢火煲了近三小時的感覺）天啊！我即時有種相逢恨晚的感覺！（但依然會諗壓力煲會唔會爆炸嘅問題。我認我係好細膽架。(￣▽￣)）
老火湯
之後，天文台話氣溫即將驟降，我「拿拿林」去街市買來紅+白蘿蔔和排骨，試試用十五分鐘炆個排骨煲迎接寒風！結果⋯⋯
呢個超級全能飯煲果然好給力！十五分鐘就已經將蘿蔔炆到冇牙阿婆都食到咁「林」。最開心嘅係愛人猛讚好食好食，仲問我會唔會炆其他嘢佢食！♪( ´▽｀)（心心眼！）
炆排骨食譜
瘦瘦瘦排骨250克（我在惠康買$25）
紅蘿蔔一條
白蘿蔔一條
蠔油六湯匙
冰糖兩小粒
（五蚊銀大）
八角兩粒
薑蔥適量
味琳/酒一湯匙
油兩茶匙
鹽適量
生粉水少許
做法
1. 蘿蔔去皮切件。
（用壓力煲的話，請切大件。）
2. 熱鍋下油，爆香薑蔥。
3. 加入排骨略炒。
4. 倒入一杯水、所有蘿蔔、蠔油、冰糖、八角，用燉肉模式炆15分鐘。（如非用壓力煲，則要用小火炆大半小時至入味。）
5. 加入適量味琳和鹽調味。
6. 加入生粉水收汁即成。
小貼士
1. 排骨點都會有少少肥，我回家後會切去眼見到的肥膏。脂肪率較高的朋友請限量進食。
2. 可考慮「飛水」去油脂。
3. 此食譜的調味較為清淡健康，請按個人口味適度調整。
全能飯煲跟機有一本小小的食譜，教人怎樣用它來炆牛腩、煲海鮮粥、煮糖水和製作糕點等等。有機會真想將每一個mode都試試！不過，Philips的製麵機還未開光！我要多多努力，為大家試多啲不同的小家電。＼(^o^)／
《出街食乜好》● 吉野家
好耐冇update呢個《出街食乜好》相簿，因為要喺香港搵啱減磅朋友食嘢嘅地方並唔容易^^'。尋晚食咗吉野家，同大家分享吓呢個食完唔慌會肥嘅晚餐(超清+份量唔多)，希望大家下次都會有多個選擇。
野菜煎雞飯走雞汁
（我唔食雞皮）
配日式野菜走菜汁
輕怡百事或熱茶
（呢個係餐，單叫飯+野菜會更貴。）^_^
小貼士
1. 嫌太寡的話，可於取餐處自取一包辣椒粉和七味粉提味。兩者皆沒鹽，可放心食用。
野菜煎雞飯走雞汁
（我唔食雞皮）
配日式野菜走菜汁
輕怡百事或熱茶
（呢個係餐，單叫飯+野菜會更貴。）^_^
小貼士
1. 嫌太寡的話，可於取餐處自取一包辣椒粉和七味粉提味。兩者皆沒鹽，可放心食用。
2014年12月2日
低卡香草三文魚芝士撻 + 脆脆朱古力手指餅
這道低卡香草三文魚芝士撻的做法簡單，但味道非凡！用剩的麵包邊邊還可以做脆口小吃，tea time和朋友或同事分享就最啱feel~!
有皮麵包4片
三文魚80克
雞蛋1隻
低脂芝士1片
黑椒適量
香草適量
做法
1. 預熱焗爐至200度。
2. 麵包切邊備用。
3. 用麵粉棍將四片麵包壓平。
4. 將麵包薄片放進焗模裡。
5. 打蛋。拌勻蛋漿後倒進麵包內。
6. 放焗爐中層焗十分鐘。
7. 加入三文魚、黑椒和芝士再焗三分鐘至芝士溶化。
8. 以適量香草裝飾即可。
同場加映：脆脆朱古力餅餅！
我用了幾片黑朱古力+橙味朱古力做漿，焗脆了麵包邊條後，將包邊點進朱古力漿中待乾即可。
2014年12月1日
極低卡涼拌台灣白肉苦瓜
又到Green Monday! 今日想介紹一道極易做嘅減磅料理俾大家— 極低卡涼拌台灣白肉苦瓜。
Kay到沖繩旅行時吃過人生的第一碟苦瓜之後，唯一的感覺就是— 苦；反而愛人間中會在我耳邊嘮嘮叨叨的說要吃苦·瓜·料·理。|(￣3￣)|
綠色的苦瓜煮多了，今次換換新口味，用上了台灣的名產白玉苦瓜入饌。白肉苦瓜味道甘甘甜甜，口感比普通苦瓜更脆，且具養顏和排毒的功效。每100克苦瓜只含約17卡和非常多的維他命C。這道前菜香脆酸甜，適合減磅中的女士食用。
材料（2人份）
白玉苦瓜1個（300克）
鹽1/2茶匙 + 1/4茶匙
糖2湯匙
白醋1湯匙
做法
1. 苦瓜洗淨去核切薄片。
2. 用1/2茶鹽醃半小時待其出水。
3. 出水後可用水稍稍沖走鹽分和苦水。
4. 加入糖、醋和1/4茶匙鹽醃數小時至入味即可。
小貼士
1.食譜調味較為清淡，請按個人口味調整糖醋比例。
2. 喜歡吃話梅的，可稍為減少鹽量並「中」爛一粒話梅提味。
2014年11月27日
2014年11月25日
瘦瘦版香口炸雞膇
減磅期間，為了自己和愛人的健康，我開始多了在家中煮食，還買了好幾部小家電，協助我達成健康飲食這個原則。（常說對自己健康的投資是最好的投資，起碼不會蝕清光☝️。）其中我最最最喜歡和常用的就是AirFryer! 不過，我用的型號已經是舊款了，容量比較細和沒有電子觸控螢幕；其他方面則應該沒有差太遠。
減了幾日磅，今日已經開始口淡淡，所有又再出動AirFryer調劑一下。（最誇張的是用氣炸鍋來煮龍蝦！效果見這裡：
今天做的，是氣炸雞鎚，屬於入門款式，零失敗零難度。沒有AirFryer的，也可用焗爐的均勻送風模式和一塊燒烤網做到類似烤炸的效果。
（同場加映：氣炸冬菇和煎翠肉瓜）
瘦瘦版香口炸雞膇
材料
雞膇6隻
黑椒1茶匙
胡椒粉1茶匙
低鈉鹽少許
麻油1茶匙（可略）
（喜歡四川口味的，可考慮用辣味孜然粉和黑芝麻做醃料）
做法
1. 雞鎚解凍去皮。
2. 加入所有調味料醃30分鐘。
3. 放入已預熱的氣炸鍋中約12-15分鐘即成。
小貼士
1. 雞膇先去皮再炸其實不減美味，但就可以防止油份滲入雞膇內，增加不必要的卡路里。
2014年11月24日
《Kay's減磅日記》Day 1 - 7
隆重同大家介紹— 肥完又瘦、瘦完又肥，我都係正常人之《Kay's減磅日記》！
話說兩星期前，我的摯友由德國返港，自此之後，我們便幾乎天天四出飲飲食食。經常外食的結果，當然就是增磅。可是，減肥是終身事業，我不會那麼容易便放棄啦（握拳）！
其實一直都有網友PM我，說想知道我在減肥的路途上每天都在吃甚麼。這個相簿就正好可以記錄我隔天的磅數、飲食及運動量。
摯友回港前：（早上空腹）Kay=113.5左右。
外食多餐 + 缺乏運動 + 甜品 + 朱古力和Haribos之後......
天呀！竟然上到120.4！根據營養師早前給我的資料，我的健康理想體重為106-118左右。因此，我又要啟動我的「健康減磅計劃」了；否則就會恨錯難返！(*^_^*)
第一天（20/11/2014 星期四）
磅數（早上·空腹）：120.4
早：米粉一個（味粉只落一半、不喝湯）
熱朱古力奶（脫脂奶粉+冇糖朱古力粉+代糖）
午：
灼油麥菜一大碗
清蒸帶子水蛋五湯匙
（調味：少許鹽和味琳）
水煮粟米一條
紅米飯大半碗
雀巢低卡咖啡一小杯
下午茶：
無糖豆漿一杯
香蕉一隻
氣炸魚手指半條
晚餐：
灼白菜仔一大碗
煎豆腐兩件
（調味：一茶匙低卡芝麻醬）
泡菜三片
紅米飯半碗
是日運動：無。
現階段打算每隔一兩天向大家匯報我的磅數、餐單和運動量。先謝謝大家的鼓勵和支持呀。☆*:.｡. o(≧▽≦)o .｡.:*☆
https://www.facebook.com/Kaysprivatekitchen?ref=hl
第三天（22/11/2014 星期六）
磅數（早上·空腹）：118.2
隔一天就輕了兩磅，減去的其實都是水呀+_+。一般的水腫問題，都是由重口味飲食或生理週期造成的。如果了解到問題所在，那就不難解決啦^_^。我會儘量減少吃鹽和多喝水（或食去水腫餐），症狀輕微的，三五天後一般都會去到好幾磅水！
早：米粉（味粉只落一半、不喝湯）
熱朱古力奶（脫脂奶粉+冇糖朱古力粉+代糖）
無鹽無調味腰果五粒
午：
灼白菜仔一大碗
粟米洋蔥炒免治牛肉五湯匙
（調味：少許減鈉鹽）
煎豬扒1/3件
（調味：黑胡椒和辣椒粉）
燕麥飯大半碗
7up Light一罐
下午茶：
富士蘋果一個
無糖豆漿半杯
晚餐：
魚蛋米粉
（調味：辣椒油數滴）
灼生菜一碟（全走）
是日運動：急步行40分鐘。
第四天（23/11/2014 星期日）
磅數（早上·空腹）：116.6
再輕了1.6磅，明顯大部分都是水。外食超重油重鹽的煮法真是害人不淺。感到體內的廢物逐漸排出中，感覺非常不錯哦！(^O^)／但下一個樽頸位會於去水完成後出現，到時便要努力做運動減脂肪和增加肌肉了。
早餐：
三文魚生菜三文治
（麵包是自己做的，超低鈉和幾乎無油）
200克高筋+50高纖黑麥雜糧粉+160毫升水+脫脂奶粉1湯匙+低脂牛油10克+糖2茶匙+鹽少許+酵母。
即沖低脂熱朱古力奶（150毫升）
午餐：
生菜全走一碟
雞肉清湯米線（走腐皮）
自備無糖零卡熱麥茶一樽
**非常喜歡食辣的朋友，如覺得清湯實在太寡，可落少少辣椒油。（泰式辣椒粉就更好因為一般都無鹽無油。）
下午茶：
脫脂奶一杯
Mini Time Out 一條
朱古力一粒
富士蘋果一個
（我都係正常人之又再忍唔到口⋯⋯ 因為其實我都少少鍾意食朱古力+_+）
晚餐：
水煮雜菜大大碗
豆腐1/3磚
低脂煙火腿一片
水煮粟米一條
紫菜一包（又是零食啦）
**間中在晚餐減少澱粉質的吸收可有助減重。
是日運動：負重運動20分鐘。
第五天（24/11/2014 星期一）
磅數（早上·空腹）：116.0
完全失控+吃得過多的一天！
我的目標是110-113磅+脂肪率25%或以下。但我都有樽頸位，每次到了113-114磅左右便不容易再落磅。但我不會勉強，會集中做帶氧運動，進一步減低脂肪率。
昨天很晚才睡覺，可能是缺乏睡眠，令我全日都好像很不夠精神，常常都想找東西吃。好失敗⋯⋯ 再加上藉口多多的話就更難成功⋯⋯
早餐：
低脂低鈉煙肉片+生菜三文治
（麵包是自己做的，超低鈉和幾乎無油）
脫脂奶一杯
無鹽焗腰果五粒
午餐：
水煮菜一大碗
燕麥飯一碗
豬扒半件
（只用了少許鹽和黑椒調味）
罐頭辣味魚柳一條
CJ蝦味水餃五粒
下午茶：
M&M 14克（71卡）
**我都唔明白點解我咁想食朱古力(☆_☆)
即沖低卡朱古力奶一杯
小法包一個
蘋果一個
晚餐：
粉絲蝦米元貝煮紹菜一大碗
水餃六隻
無糖糖果三粒
蝦餅一大片
第六天（25/11/2014 星期二）
磅數（早上·空腹）：116.4
昨天沒有節制的飲食，導致今天增磅了！不過，減磅是一生的事業，間中一兩天磅數上的上落，其實不必那麼在意。（是的，我是在安慰自己啦！我間中也會失控同口痕⋯⋯）
早餐：
低卡咖啡一杯
福字米粉（味粉只落一半、不喝湯）
午餐：
水煮白菜一大碗（全走）
氣炸雞鎚四隻（無鹽）
氣炸冬菇三件
煎翠玉瓜三片
7up Light一罐
下午茶：
大橙一個（甜！^^）
無鹽焗腰果五粒
零卡小啫喱十粒
零卡麥茶一大樽
晚餐：
芋絲一盒
（水煮無調味）
CJ蝦味餃子六粒
（辣椒油1/4茶匙）
灼菜芯一大碗
是日運動：
負重運動一小時
（今晚會繼續努力！）
第七天（26/11/2014 星期三）
磅數（早上·空腹）：115.8
終於又瘦返少少嘞！*\(^o^)/*
其實頭幾磅總是最易減的。如果你的目標只是五六磅左右，那只要透過控制飲食，大約兩星期已經可以達標（詳情可看看我過去這一星期吃過甚麼，最重要是要注意烹調方法）。而我的目標其實是110-113左右，未來這兩三個星期要超努力做運動和吃得清淡（但夠飽）才可成事。
早餐：
即沖低卡咖啡兩杯
泰式米粉（轉了新口味！）
（醬油包不落+味粉只落一半、不喝湯）
（醬油包不落+味粉只落一半、不喝湯）
午餐：
豆腐一湯匙
清雞湯粉絲煮瓜一大碗
飯大半碗
下午茶：
青蘋果一個（香甜！^^）
無鹽焗腰果五粒
晚餐：
生菜全走
雞肉麻辣米線走腐皮（譚仔十小辣）
（我以前鍾意食二小辣架，宜家真係無咁重口味。食得清淡啲，唔會咁易水腫架。）
零卡有機大麥茶一樽
是日運動：無！
（聽朝會繼續努力）
訂閱：
文章 (Atom)