2016年11月23日

恭喜 Green Common - Harbour City 喺 LCX Harbour City 開幕~!!!

以後同friend行開海港城，除咗「素貨」之外，仲可以坐低食返餐~~
但，Kay 點解要介紹大家試試食素呢？(非廣告~!!!)

好簡單-----> 因為 瘦身 = 減脂肪 + 足夠嘅肉 (先唔會肥返)
新興素食 易買 易煮 又唔
仲要係 高蛋白 增肌肉 burn更多更多 fat 必選~!!
想開始？不妨先睇相 (每張相裡面都有詳細介紹)，再搵個機會去Green Common食返餐，feel吓D嘢啱唔啱自己胃口先吖~ (我就super like~!!!)
未ready 100%食素？可以先試試奉行Green Monday喔~! (逢星期一食素)

超級好味！Green Common新作海南米走雞  海南素雞配黃薑飯)
雖然係素雞，但個黃薑飯同各種醬汁像真度極高！絕對係食過返尋味之選！

七色超級碗----> 素食可以超健康！其中一個方法，就係而家都好興 Eat the Rainbow！配埋勁清新勁fresh柚子汁，唔，一碟一個人食都唔夠喉呀。XDDD

紫薯smoothies----> 超thick 超飽肚 超營養密集 嘅smoothies! 好浪漫呀！同愛人嚟你一啖我一啖咁，一定會睇到其他人好眼冤。😄👍🏼

泡菜植物雞墨西哥卷----> 喜歡韓風朋友可以一試~ 皮皮好有咬口~

植物魚柳包----> 大家 甜琛廚房 Sweetheart KitchenVegan Mama Kitchen 純素媽媽廚房 CANDICE KITCHEN 自家浪漫美食行 都一致認為，中間魚柳實在非常之似麥記 麥香雞 / 麥樂雞！連個tartar sauce 都一樣咁架！！YUMMY!!

氣炸雞槌----> 酥脆嘅烤焗腐皮
前個禮拜上環Green Common食lunch陣已經食過 配上我最喜愛蘇太名醬 又係冇得輸~

有機豆腐黑芝麻smoothies----> 唔係講笑！你見到杯嘢飲嘅張力嘛？好香 好rich 嘅一杯有營smoothies呀！！奉勸各位朋友，千祈唔好同人分享，記得叫一杯獨食/飲！😆👌🏼

紅咖喱植物牛肉配菠蘿----> 素咖喱不嬲係我嘅favourite~ 不過呢碟咖喱有少少問題-- 因為我地6個人都好like所以覺得唔夠分。😂😂😂

雖然我唔算好鍾意飲果汁，但你一款係Green Common推出新產品，我梗係一次過試晒咁多隻味啦。(●°u°●) 」

連兒童餐-- Freeing Nemo 都超∼∼好食！(LOVE the name~!)

鍾意煮食或者烘焙，但又唔鍾意用牛奶製芝士？右邊cheese就晒你！
甜琛廚房 Sweetheart Kitchen-- 好期待你嘅新作品呀~ ^V^

當晚menu
我由第一個course食到最後
仲好想飲返杯好出名 coffee with almond milk作結
但當時已經差唔多10點
不過下次有機會一定要試試佢！！

當晚識咗好多新朋友，衷心希望好快又可以再見到大家，交流一下素食/煮食嘅心得。
David Yeung 楊大偉, founder of Green Common / 我偶像💁🏻
David has this show called 阿美利堅無肉飯堂 on ViuTV which has a HUGE impact on me. After watching almost all the episodes over and over again, I decided to be a Pescatarian since mid-October. I know it's just a baby step, but I believe I will get there one day. A million thanks, David. You're truly inspirational.

素食達人 Elvis Chan Look whom I bumped into that night?! 係素食達人 Elvis Chan呀！Elvis出嘅新書《素做幸福滋味》我都有支持呀！我仲做佢書裏面「土匪雞翼」（素），過幾日同大家分享吖。

當晚有幸遇上三哥，立即捉緊機會影相留念~~ 三哥研發咗素湯底，實在係造福人群呀。
譚仔三哥米線

A huge thanks to Michelle who pulled some strings for me earlier. XOXO
戀上味覺

當晚有好多廚藝高手出席，有冇邊個係你認得blogger呢？:-)
@Athlon: A heartfelt thanks to you~ The event was a great GREAT success and it’s my honour to be there! 藉著GreenTaste說愛您 (下次等你冇咁忙一定要同你合照呀)

半開放式廚房：衷心多謝當晚有份籌備同出心出力嘅每一位，冇你地我地都冇咁多好嘢食呀。😆感恩中。

餐廳內部環境同燈光都非常舒適
背後仲有一個素食超級市場
有好多好多用各種豆類製成素肉 同不同健康產品


我就嚟全部試勻嘞~!!

***Kay減肥及健康產品代購 https://www.facebook.com/groups/1560377917612654/
***想睇更多健康食譜 & 減磅貼士，請到：https://www.facebook.com/kforkitchenhk

張貼者： 於 沒有留言:
標籤： , , , ,

2016年11月16日

麻辣茄子炒「肉碎」 (低脂低卡又含豐富蛋白質)

想減肥？又唔想流失肌肉 + 想食得低脂D? 可以用植物牛肉碎整呢味麻辣茄子炒「肉碎」。


* 我用的這款植物牛肉碎 (含蔥蒜) 的主要成份是青豆，CitySuper / Green Common等有售。
* 每55克 只有110千卡 及 4.5克脂肪 (脂肪含量約只有一般免治牛肉的4份1~!!!)
* 每55克 含13克 蛋白質 (比一般免治牛肉多接近1倍~!!!)
參考 (香港食安中心)：http://www.cfs.gov.hk/tc_chi/nutrient/presearch3c.php
* BEYOND MEAT 是由 BILL GATES (比爾蓋茨) 投資+專門研發素食的公司
* 可用真的免治牛肉代替食譜中的植物牛肉碎
* 含蔥蒜素食


材料 (2人份)
茄子1條
(植物) 牛肉碎1/2碗
油2茶匙
蒜蓉1茶匙
薑蓉1茶匙
(家樂牌) 麻辣鮮露1-2茶匙
(唔算有益但勝在方便同超好食~!) ^^'
辣椒絲適量
糖少量
煙紅椒粉適量 (可略)
花椒油1茶匙 (可略或以麻油代替)

做法
  1. 準備好蒜蓉、薑蓉及辣椒絲。
  2. 茄子洗淨切段備用。
  3. 熱油鑊，先爆香蒜蓉及薑蓉。
  4. 加入植物牛肉碎用中火炒約2分鐘。(可加入少許水同煮)
  5. 加入茄子及所有調味料續炒2分鐘並加蓋煮2分鐘至熟透入味。
  6. 上碟前可淋上少許花椒油提味。

小貼士
  1. 植物牛肉碎當然不能夠和真正的牛肉相比；但如果想吃得環保及低脂一點、減少殺生或欲嘗試素食的朋友也不妨一試。
  2. 茄子含有維他命A、B雜、C、P、鈣、磷、鎂、鉀、鐵、銅等營養。
  3. 茄子含豐富的膳食纖維且有90%是水分，屬減磅益食。
  4. 加入草菇片同煮會更美味。

♡※♡※♡※♡※♡※♡※♡※♡※♡※♡※♡※♡
《K for Kitchen 瘦身廚房》
Like我的 Facebook 專頁 (睇更多健康食譜&食物介紹)
我的著作：《愈食愈瘦》《愈食愈瘦 2》
加入《Kay減肥及健康產品代購谷》


張貼者： 於 沒有留言:
標籤： , , ,

2016年11月8日

牛肝菌鮮百合炒法邊豆（素食）

踏入秋冬是吃牛肝菌的最佳季節。牛肝菌充滿原始橡木/松木的幽香，是意大利人眼中的珍品。新鮮的上等牛肝菌價格不菲，我買了包乾菌（非鮮菌）再用簡單的烹調，已經吃得齒頰留香。

營養資料：
*牛肝菌含有人體必需的胺基酸，有清熱解毒的功效。有指多吃更可增強抵抗力。（直接吃益生菌應該更實際吧）
*鮮百合：性質平和、可清熱、止咳潤肺及清心安神。

題外話：天氣轉涼了，如發覺胃口變大，可在吃東西前多喝無糖熱飲填填肚。清水、有機花茶或日本的黑豆茶等也是不錯的選擇。
材料
牛肝菌乾1包
鮮百合2個
法邊豆1盒
橄欖油1湯匙
蒜蓉1茶匙
鹽適量
黑椒適量
菇醬2茶匙（蘇太名醬·純素）可略

做法
  1. 牛肝菌乾略略沖水洗淨再用清水浸15分鐘。
  2. 法邊豆及鮮百合洗淨切段及切片備用。
  3. 熱油鑊，先爆香蒜蓉。
  4. 落法邊豆中火炒約5分鐘。可加入少許浸牛肝菌的水同煮。
  5. 加入牛肝菌、鮮百合及所有調味料續炒2分鐘至熟透即成。
落法邊豆中火炒約5分鐘
菇醬2茶匙（蘇太名醬·純素）可略
小貼士
  1. 牛肝菌乾：可於CitySuper / 樓上買到，約數十至數百元一小包。
  2. 鮮百合：一般街市有售。
  3. 法邊豆：CitySuper有售。或直接改用蜜糖豆也非常好吃。
  4. 蘇太名醬：購於九龍城同名地舖。各區的Green Common都有得賣。$85@
  5. 如用新鮮牛肝菌的，切記不要用水直接沖洗以保留原味。

※◎♡※◎♡※◎♡※◎♡※◎♡※◎♡※◎♡※◎♡※◎♡
《K for Kitchen 瘦身廚房》
加入K for Kitchen瘦身雜貨店 (已開業)
《K for Kitchen 瘦身代購》https://www.facebook.com/groups/1560377917612654/
《K for Kitchen 瘦身廚房》 部落格 / Blog
我的兩本著作：《愈食愈瘦》《愈食愈瘦 2》
Facebook 專頁 (睇更多健康食譜&食物介紹)
※◎♡※◎♡※◎♡※◎♡※◎♡※◎♡※◎♡※◎♡※◎♡
張貼者： 於 沒有留言:
標籤： ,

2016年11月6日

【椰菜花藜麥「飯」（素食）】




好多人都唔想食咁多白飯，怕佢高GI易肥同冇乜纖維。如果你都唔想食咁多飯，可以考慮煮啲椰菜花藜麥「飯」代替。煎咗牛扒豬扒唔想下下都用薯蓉嚟伴碟，呢個「飯」又會係非常理想嘅side dish!
*營養：椰菜花有防癌功效，仲有靛基質，有助分解體內致癌物質。
*洋蔥：可降血糖血脂及預防骨質疏鬆

材料
椰菜花1個
洋蔥1個
橄欖油1湯匙
鹽適量
黑椒適量
蔥/雜錦香草/煙紅椒粉 適量
做法
1. 椰菜花洗淨去莖切小件。利用食物處理機或攪拌機，把椰菜花分數次攪拌成為米飯的大小。如沒有攪拌機，可以用刀把椰菜花切碎。
2. 洋蔥切小丁。
3. 熱油鑊，先爆香洋蔥。
4. 中火炒約5-7分鐘，直至洋蔥變軟。
5. 加入椰菜花，續炒3-5分鐘。
6. 可視乎情況加點水同炒。
7. 加入鹽、黑椒及自己喜歡的香草 / 調味料拌勻即成。

小貼士
1. 上碟前可加入少許檸檬汁提味。
2. 我習慣加埋藜麥飯一齊炒（低GI），可吸收優質蛋白質同維他命B雜之餘，仲會加速新陳代謝添！

※◎♡※◎♡※◎♡※◎♡※◎♡※◎♡※◎♡※◎♡※◎♡
《K for Kitchen 瘦身廚房》
加入K for Kitchen 瘦身雜貨店 (已開業)
《K for Kitchen 瘦身廚房》 部落格 / Blog
我的兩本著作：《愈食愈瘦》《愈食愈瘦 2》
Facebook 專頁 (睇更多健康食譜&食物介紹)
※◎♡※◎♡※◎♡※◎♡※◎♡※◎♡※◎♡※◎♡※◎♡
張貼者： 於 沒有留言:
標籤： ,

2016年11月4日

【🍊 橙皮紋？So what?!】

你會對自己過份嚴格嗎？
根據Wikipedia嘅資料顯示，原來有80-90%女人都有唔同程度嘅橙皮紋！我曾經超介意，因為覺得「好少人會有橙皮紋而我有就好唔ok~」夏天完全唔enjoy著泳衣👙，因為我會介意人哋嘅目光😞。

不過，我又唔係做model！😤 粗髀巨躉又點呢？唔通我要收埋自己去迎合媒體建立嘅病態審美觀？！

人愈大就愈覺得，原來好多所謂嘅「問題」，並唔係得我一個人獨有，我唔怪雞亦唔孤獨。只要知道呢一點，好都嘢都會放得開啲。唔好再睇啲時裝雜誌，同街上瘋狂修圖嘅減肥美容時裝纖體廣告嘞，其實我哋都係正常人。

附上一個曾經患有「身體畸形恐懼症」嘅女仔，佢所發起嘅運動嘅相片，鼓勵大家正面看待自己的體型和樣貌。有興趣可以上IG搵 'cellulitesaturday'。🌺🤗 HAPPY FRIDAY!! 🤗🌺
#聽朝會繼續出健康食譜
#我係從不修圖（懶+唔識搞）
#健康就好
#不要過度關注身材
#cellulitesaturday
***Kay減肥及健康產品代購 https://www.facebook.com/groups/1560377917612654/



***想睇更多健康食譜 & 減磅貼士，請到：https://www.facebook.com/kaysprivatekitchen/
張貼者： 於 沒有留言:
標籤： ,

脆脆芝士片（蛋奶素）



包雲吞或餃子用剩的皮，其實有很多妙用。除了用來做小紅莓撻同甜品，仲可以做各式各樣嘅脆片。嚟緊聖誕新年，呢個脆片都非常適合想瘦身嘅朋友，自用或者招呼朋友。包得靚靚地，仲可以送俾親朋戚友添。


材料（可做20塊）
雲吞皮 / 餃子皮 5片
橄欖油 1茶匙
芝士粉 / 碎 適量 (視乎你的體脂和口味而定 ^^)
羅勒 / 迷迭香碎 /煙紅椒粉 適量 (零卡，可盡情狂落)
鹽 適量
黑椒 適量 (其實可狂落 >v<)


做法
1.    預熱焗爐至250度。（怕痴底可先鋪錫紙）
2.    將每塊皮切開四份，並掃上少少油。
3.    灑上芝士粉/碎、羅勒或煙紅椒粉等調味料。
4.    放入焗爐焗 5-6分鐘 或至金黃色。
5.    灑上適量鹽和胡椒調味即可。(放入密實玻璃瓶 / 密實袋 可保存三天)


小貼士
1. 用剩嘅芝士可以用來焗飯或者做沙律。
2. 焗爐必須要充份預熱。
※◎♡※◎♡※◎♡※◎♡※◎♡※◎♡※◎♡※◎♡※◎♡
《K for Kitchen 瘦身廚房》
加入K for Kitchen瘦身雜貨店 (已開業)
《K for Kitchen 瘦身代購》https://www.facebook.com/groups/1560377917612654/
《K for Kitchen 瘦身廚房》 部落格 / Blog
我的兩本著作：《愈食愈瘦》《愈食愈瘦 2》
Facebook 專頁 (睇更多健康食譜&食物介紹)
※◎♡※◎♡※◎♡※◎♡※◎♡※◎♡※◎♡※◎♡※◎♡
張貼者： 於 沒有留言:
標籤： , , ,
訂閱： 文章 (Atom)