【易整好味又健康·七彩撈起及電飯煲糯米飯】+ 【拜年小貼士】 + 【食完之後----> 勁後悔 ---->好驚又肥咗----> 又再食......】

【易整好味又健康·七彩撈起及電飯煲糯米飯】

好在前兩日有朋友問起，我仲有冇做過啲乜嘢同新年有關嘅健康菜式，呢個都算係其中之一。當然，唔落臘腸就更加好，不過新年就下其他親戚朋友我都會落一條半條。

如果想攞個好意頭，年初一可以整一大碟「撈起」吖！材料當然就好百搭，我會建議：

甘筍絲、冬菇絲、紅椒絲、青瓜絲、紫薯絲、粟米粒、豆乾絲、柚子、素雞絲⋯⋯ 呢碟撈起唔單止色彩豐富好意頭，仲包保健康有益！食飽仲會覺得滿足有營又健康。(去朋友屋企整一大份一整食啦~)

【拜年小貼士】

新年就到，如果你都準備緊禮物同朋友拜年，不妨考慮一下，唔好買朱古力同糖果，可以考慮買吓生果或者類似壽桃牌盒裝嗰啲麵咁吖。

【食完之後----> 勁後悔 ---->好驚又肥咗----> 又再食......】

如果想食湊熱鬧食吓金莎，記得每1粒都含有75千卡、5克匙油同5克糖，食3粒已經係一碗飯嘅卡路里。(可以嘅話，唔好食OR食1粒再食啲腰果同2個生果其實仲開心有益~ 費事食完之後又後悔，後悔完之後又怕肥…… 你明嘅。^^) 同一道理可apply落其他糕點同肥膩食物度。

最後，新年嘅時候，每逢食嘢之前，先飲兩杯暖笠笠嘅熱茶或者熱水，咁猴年就一定會肥少啲、開心啲啦。我承諾新年期間，我一定會嚴格執行健康飲食，希望大家都一齊努力啊！

http://kforkitchen.blogspot.hk/2015/02/blog-post_2.html