回復苗條身形嘅穀物早餐？

標榜幾個星期就可以幫你回復苗條身形嘅早餐穀物。

真相（1）：穀物早餐其實唔可以直接幫助減磅。

真相（2）：但比起食米粉，佢又真係多咗啲啲纖維、葉酸同其他營養。

真相（3）：佢地往往都係高糖、超高糖又或者係勁高糖嘅！（每100克超過15克係糖就為之高糖食品）

下面幾款超常見嘅K牌每100克就含18.5-34克糖左右！！即係每朝食一碗50克（好少咋，大約等於獨立包裝最細盒嗰隻嘅份量）嘅K牌穀物早餐，就等如食咗約2.5至4茶匙糖落肚！

但最恐怖嘅係，市面上好多「懶」健康、好多卡通（主打俾小朋友食）同寫到好有營養嘅穀物早餐，糖分會比頭先講嘅牌子高出兩三倍！

想食得精明又健康，下次去超市買呢類早餐嘅時候，就記得要睇營養標籤嘞。

P.S: 我同大部分營養師一樣，都會食比較低糖同埋勁高纖、紅色盒嘅Posts(呢隻冇添加任何糖) / All Bran(都唔算最低糖~~)。好易搵，喺大部份百佳 / Jason's 同Citysuper有售。