鴻福堂無糖羅漢果飲品

《Kay會多啲介紹喺各惠康同百佳可以搵到嘅健康食品》

放學之後去行百佳，偶然俾我發現鴻福堂呢隻無糖無卡路里嘅羅漢果茶！羅漢果有天然嘅甜味，有啲代糖同健康糖就係用羅漢果提煉出嚟㗎嘞。

呢支羅漢果茶有微微嘅甜味，成份好似OK天然（水、羅漢果、葛根、蒲公英和甘草）。有時口淡淡唔想飲水，飲呢類飲品始終都會比飲無糖可樂好。

P.S: 我喺地鐵站裡面嘅鴻福堂睇過，佢哋原來冇賣返自己呢種嘅產品！😂😂😂想買就請去百佳 / 惠康 / HKTV Mall啦。