《減脂消腩滑腸紅米炒飯》

知道《消腩鍋》未必能夠滿足大家，再來一個每星期可減最少一磅*嘅《減脂消腩滑腸紅米炒飯》俾大家，好冇？^o^

減肥可以食澱粉質？！梗係可以啦。澱粉質好重要，食唔夠會好down、諗嘢慢，做乜都無心機架。

理想的餐單應該有足夠的澱粉質，好似粥粉麵飯、栗子、蕃薯咁樣。如果想食得健康，仲可以選擇糙米飯、十穀飯、燕麥飯或者紅米飯等等。因為這些飯都是高纖的，容易有飽肚的感覺。個人經驗：減磅期間吃不飽的話，反彈力會很大，容易在餐後吃過不停，到時反而會得不償失，大大增加復胖的機會。

呢個飯比較清淡，初食可能唔容易習慣，但記著食完會又瘦又健康就會適應到^_^。另外，由於用油量極少，要炒得成功就需要一隻不黏鍋。如果未有一隻好鑊的話，非常鼓勵大家買一隻，那是對自己和家人健康最好的投資呀。現在看看材料和做法吧。

考考你：Kay拍材料照時漏了甚麼？^__^  Kay = 大頭蝦一名。
材料 (1人份)

露筍粒1/2碗

帶子4粒/蝦6隻

粟米粒3湯匙

菇（任何）1/2碗

紅米20克+白米60克

（即一平碗飯左右）

薑蓉1湯匙

蒜蓉1茶匙

（減鈉）鹽1/8茶匙

糖少許

油2茶匙

做法

1. 用一茶匙起油鑊，爆香薑蒜蓉。

2. 加入粟米、露筍、菇和帶子略炒。

3. 兩分鐘後盛起材料備用。

4. 再下一茶匙油炒飯。

5. 待飯熱透後，加入剛才炒過的材料同炒。

6. 最後，加入糖和鹽調味即成。

 @759 可高溫烹調的噴射裝橄欖油！超好用，沒用一般噴射裝瓶子的霧化問題。而且一按就是一茶匙，方便好好控制用量。

  加入粟米、露筍、菇和帶子略炒~

完全沒有"痴"底的問題~ 我真的好愛這隻鑊！是它令我可以喺減磅期間食到煎蛋和各式煎炒的餸菜！

繼續完全不"痴"底！ ^__^

小貼士

1. 紅米：白米：水的比例為1：2：3.3左右。

2. 減鈉鹽要待飯炒好後才加入。

功效

1. 露筍：可利尿、滑腸和排毒。

2. 紅米：高纖清腸，有助維持飽肚感，有利減磅和健康。

3. 菇類：低脂、熱量又低。能提供飽肚感，有助排便。(尿酸或痛風患者要注意攝取量。)

長氣都要提多一次，減磅要用啱方法，千祈唔好唔食飯呀，否則減完好容易又肥返。其實除咗高纖飯之外，栗子同蕃薯都係好健康嘅選擇嚟架，有機會再同大家介紹啦。^_^

*假設每餐由1000減至500卡計算。
如果想再減多少少，可從早餐和運動方面入手，一點也不難，下次有機會再分享怎樣輕易每星期再減多一磅嘅方法。