ʕ •ᴥ•ʔ 減肥必食 • 去水減磅 【豆腐粟米沙律 配 低脂芝麻醬】

想瘦 = 一定係食沙律？ = 要好似隻牛咁日日食一大堆菜 + 少醬就OK？(◐‿◑)

呢碟勁fresh + 口感豐富到暈嘅沙律，已經有齊：蛋白質、五穀、菜、同埋優質脂肪！唔單止得300千卡左右，仲可以有助減磅同去水腫！

星期六日通常都會有家庭或朋友聚會而要出街食。為咗瘦身或者減輕身體嘅負擔，喺外食前後，可以食返啲健康餐、沙律餐或者減鹽餐等等平衡返㗎。

左邊細細嘅甜品【🇯🇵森永🍮低糖吉士 / 低糖🍵綠茶布甸】
呢隻甜品每杯少過1茶匙糖~ 仲只有65-72千卡~ 宜家(12/8/2016) 一田減價中🎈每杯$9.9

部分百佳都有森永產品架
森永仲有出牛奶布甸 及 森永大滿足吉士🍮布甸
都做緊減價 $14.9/1杯 🍴 $27/2杯

講返呢個沙律先：

1）醬汁：我經常推介嘅呢款日式低脂麻醬係～另上～嘅

唔好倒晒落個沙律度食呀，一來以免佢好快就因為菜裏邊嘅水份而變得「稀Lau Lau」，二來可以「襟」食啲 + 清楚控制到每餐食1-2湯匙（我就最多只會每餐食1-2茶匙），如果唔想食呢隻汁，其實仲有大把選擇架，詳情可以上我個blog/搵我嘅第二本書睇睇。

2）豆腐：豆腐有豐富嘅蛋白質，加埋佢落沙律度，咁就唔會因為減肥而令到肌肉流失。如果因為減肥而冇晒啲肌肉，最後只會變成skinny fat~~

仲有喎，呢款豆腐係「新生精神康復會」嘅出品，唔止好味（唔似某啲大牌子落九萬樣嘢，令到個口感超怪同無益）、有機同無防腐劑同添加劑，仲好有意義㗎！（購自一田 $14.5-$16.5@ 各大超市有售）
新生精神康復會網站：
http://www.nlpra.org.hk/b5_service_vocational_products.php

3）點解加粟米？聰明嘅你當然知道，粟米係五穀。如果之前食多咗飯意粉壽司之類，咁下一餐自己酌量減返少少，食返一條半條粟米就OK。粟米唔單止又甜又有咬口，仲可以有效幫身體去水腫。唔好完全skip五穀，會搞到自己無晒精神好「謝」㗎。

4）加拿大彩椒：癲咗咁好食！話你知，我係食肉獸，好少可有蔬菜會令到我食到上癮。（除咗皇帝菜 = 永遠No. 1) 如果想令自己食多啲蔬果，我覺得秘訣就係要買一啲真心好食嘅 + 用自己鍾意嘅烹調方法 (*^_^*)！否則，食兩啖自己都冇癮，仲點可以午餐晚餐各兩碗菜⋯⋯

5）加少少非油炸無調味果仁：千祈唔好以為減肥就儘量唔好食脂肪；相反，喺沙律上面加少少果仁（我加咗花生），唔單止將沙律嘅營養價值同味道即時 x 10~!! 研究顯示，適量進食果仁，仲會加快減磅嘅速度！！係呀，身體就係咁奇妙，想知點解嘅話，自己上Google睇啦。哈哈哈～～～～～（呢篇嘢已經太長，相信冇乜人會睇到呢度。）:-P

最最最後（超長氣der~~）如果你唔想食花生，你仲可以加其他果仁，甚至係少量果乾。加無花果或者少少提子乾都好對味㗎！總之，沙律一啲都唔悶，仲可以勁有咬口、好食同營養均衡添！

♡※♡※♡※♡※♡※♡※♡※♡※♡※♡※♡※♡
《K for Kitchen 瘦身廚房》

Like我的 Facebook 專頁 (睇更多健康食譜&食物介紹)

https://www.facebook.com/kforkitchenhk
Bookmark K for Kitchen 瘦身廚房 Blog
http://kforkitchen.blogspot.hk/

Follow 我的 Instagram https://www.instagram.com/k_for_kitchen/?hl=en

我的著作：《愈食愈瘦》《愈食愈瘦 2》

http://www.cp1897.com.hk/product_info.php?BookId=9789888276776

加入《Kay減肥及健康產品代購谷》

https://www.facebook.com/groups/1560377917612654/

♡※♡※♡※♡※♡※♡※♡※♡※♡※♡※♡※♡