減磅期間可以「撈汁」的嗎？

我知道很多朋友都未必有時間煮食，所以我今次就預備了一個方便、好味又不過500卡的lunch介紹給大家。:-D

哈哈，雖然這說不上是最有營養的午餐，但它勝在好味又方便預備，價錢就更加平到飛起 -- $10左右！只要不是天天吃，其實也是OK的。

首先是五穀類。相片中的是韓國叮叮飯；759亦有日式的高纖紅豆飯，大家可按需要選購。如不想吃煎蛋，大家可以用水煮蛋或生蛋代替。此外，Kay要大力推薦這個日本殿堂級的咖哩--LEE!!!!!!!!! 吓？減磅可以「撈汁」的嗎？不怕太肥太鹹嗎？

唉，很多人對減磅實在有太多的誤解了。減磅期間其實沒有甚麼是絕對不可以吃的。所有餐單都應同時顧及個人感受和口感。只要控制好份量，咖哩飯是可以吃的啦。這種咖哩一包268卡，吃1/4包（即67卡及4.4克脂肪）經已餸到一碗飯（307卡），再加水煮蛋（70卡）和一碗蒜蓉水煮紅蘿蔔（每100克22卡only!!）*\(^o^)/* 就成就了一天的方便午餐啦！

(總卡路里=466)

K For Kitchen 六個月紀念

今日是K For Kitchen六個月紀念。

衷心感激近8,000位朋友一路下來的支持（淚）。你們的每一個讚和留言，都是鼓勵我繼續向前、不斷進步和尋找健康食物的推動力。

歡迎各位今後都會繼續支持K For Kitchen。多謝晒大家。

P.S: 送上Kay專程在台北「阿宗麵線」門前一拍再拍的照片。看，我的眼耳口鼻現在終於沒有那麼浮腫了！(握拳) 希望雙下巴以後也不要再回來找我。 拜拜！

無負擔雜錦海鮮鍋

迷你海鮮鍋

週末也可以輕鬆享瘦！用粉絲墊底，加入自己喜歡的海鮮。兩個人食的話，可以加一湯匙油、蒜蓉起鑊，並以少許指天椒提味。由於海鮮有天然的鹹味，所以只需要加一湯匙豉油和味醂調味便可。十分鐘就可以快速上桌！

P.S: 整個鍋最最好味的是粉絲！因為它吸收了所有海鮮的精華，每一「住」都令人回味無窮！

荷葉海味糯米飯

這兩天早上都感覺到有點點秋意，又是時候要準備糯米飯迎接秋冬啦！

這次介紹的荷葉糯米飯，完全不需要落鹽或油便已經非常夠味。而做法又相對簡單，只需在海味浸好後直接隔水蒸便可以，可以話係「懶人妙品」。：）想像一下，荷葉的香、糯米飯的"in-in-un-un"，再加上海味的甜...... 唔，Kay口水都流出來了。:-P

材料 (2人份)

荷葉2片
(一般蛋舖 / 乾貨店有售)

糯米1碗

元貝15粒

冬菇(中)8隻

蝦米1把

魷魚乾2片

(去皮)雞胸肉適量

浸海味水大半碗

蔥花適量

做法

1. 糯米要浸水四至五小時。

2. 洗乾淨所有海味再浸透備用。

3. 雞胸肉可用適量的調味料醃好。

（可用少許麻油、胡椒粉和減鈉鹽）

4. 將魷魚乾切條、冬菇切厚片。

5. 蒸一蒸/滾一滾荷葉至軟身，稍稍抹乾備用。

6. 將所有材料用荷葉包好(料放面)，加入「浸海味水」。

7. 用小至中火隔水蒸25至30分鐘至飯熟即可。

（用LC「無水蒸」方法則更直接。）

小貼士

1. 這是健康清淡版的荷葉飯。如果想做正常版本，建議可加入腩肉/金華火腿/臘腸、蔴油和酒同蒸，並伴以甜豉油享用。

2. 蒸糯米所需的時間，要視乎火力和爐具而定，請自行調整。

三低便當系列 (4) -- 辣味煎豬扒 配 香煎脆玉瓜

再來一個方便易做簡單到極點、不超過500卡的低鹽低納便當! 一個平底鑊再加十分鐘就可以煮好!

嫌紅米加白米的配搭單調的話，可隨便看看雪櫃裡有甚麼剩餘的材料，可以加入飯中混合一起吃。這天我就加了色彩繽紛的三色椒，整個飯看起來立即很活潑和有生氣！加了三色椒粒粒的高纖飯，吃起來更爽甜多汁！希望大家會喜歡那爽爽的口感吧。

今天預備的兩款菜式，都是非常低鈉的，特別適合想去水腫的人士食用。

這裡大約是¾塊豬扒，我只用了少許韓式辣椒粉和胡椒粉醃，不習慣的話可能會覺得它是淡淡的；但我覺得這樣吃更能吃到豬肉的味道。想豬扒更嫩滑嗎？加入適量的水同醃會就可以了。

至於翠玉瓜，由於它鮮甜多汁，所以只需薄薄的幾滴豉油，便能夠帶出它的甜味。

材料

瘦豬扒¾件

胡椒粉少許

(韓式)辣椒粉少許

(亦可以考慮用孜然粉或七味粉)

做法
1. 瘦豬扒用刀背整鬆。

2. 加入胡椒粉和辣椒粉醃好。

3. 用1茶匙油起鑊，煎香豬扒即成。

小貼士

1. 如覺得太淡，可另外預備1小匙的韓式辣椒醬同吃。

2. 不要忘記可加入適量的水同醃會更嫩滑喔。

材料

翠玉瓜大半條

豉油數滴

做法

1. 翠玉瓜洗淨切薄片。

2. 用數滴油煎香翠玉瓜。

3. 煎好前，可加數滴豉油調味。

危機串串 (鴻X堂燒賣=爆肥之選?)

唔知你有冇掃街嘅習慣呢？好多朋友放工之後都會買份燒賣 / 魚蛋 / 腸粉填下肚。不過，相信好多朋友都知道，燒賣大部分都係用肥肉製成。曾幾何時，我都每隔三幾日就整返兩串燒賣當早餐架。誰不知，原來一串6小粒就已經有300卡的熱量(!!!!!!!)和差不多14克的脂肪！唉，一串燒賣的熱量雖然和一碗飯差不多，但飽肚感覺就差好遠呢。

街邊串串小食咁危險，咁7-1X同鴻X堂嘅叮叮燒賣同蝦餃又會唔會健康少少呢？一齊睇下佢哋嘅營養標籤啦。

7-1X既魚肉燒賣100克有235卡路里，仲有接近10克嘅脂肪。呢個魚肉燒賣最大問題唔係佢嘅卡路里，而係佢果個mini標籤...... 我諗我過多十年八載就應該睇唔到D咁細嘅字>.<。

另外，7-1X仲有一隻鮮蝦燒賣，每100克有186卡路里同埋9.5克脂肪。佢同魚肉燒賣都唔係太大差別。

唔好失望住，睇埋呢隻7-1X嘅蝦餃(健康DD之選~!)，每100克只有180卡路里同埋6.7克脂肪。雖然相對都係較鹹，但我覺得都可以接受呀。唔通真係咩都唔食得咩？咁做人真係冇乜意思。哈哈，只要唔好成日食就OK~ ^^

最後，鴻X堂叮叮燒賣每100克有356卡路里(!!!!!!!!)同埋10.8克脂肪，可以話係爆肥之選。如果下次真係好想食燒賣，街邊檔同鴻X堂似乎都係次選嘞。

P.S: 有時間我會介紹另一隻相對較健康、喺超市有得賣嘅叮叮龍蝦燒賣。敬請多多留意 K For Kitchen嘅update啦。謝謝。

  

成年人每日可以食幾多油呢?

中式點心多豬油　常食易高高高 (<-- click to read the news)

想知自己平日飲食有冇汲取(過量)豬油? 成年人每日可以食幾多油呢?

【新聞分享】中式點心多豬油 常食易高高高 (蘋果日報)

重點：
1) 以成年人每日攝取1,500卡路里為例，每日總脂肪汲取不應多於50克(即3湯匙多一點)。
2) 叉燒酥、馬拉糕、合桃酥、老婆餅、嫁女餅、蛋卷、菠蘿包和雞尾包等，都是採用豬油炮製；
3) 動物脂肪含有大量飽和脂肪，過量攝取可增加心臟病風險；
4) 對「食肉獸」來說，吃瘦肉比吃肥豬肉和豬頸肉好；
5) 豉汁鳳爪排骨飯、山竹牛肉球及燒賣等點心，都由豬肉肥膏製造，含大量豬油。

咁講豈不是冇啖好食?? 其實如果你係好鍾意飲茶嘅話，都仲可以揀蝦餃、切雞飯、瘦叉米、油菜全走等等嘅食物架~ ^^

即沖燕麥飲品健康嗎?

桂格即沖燕麥飲品•朱古力味

不知道大家有沒有飲用這種燕麥產品做早餐的習慣呢？

相信很多朋友都知道，這種產品並不算十分健康。主要原因是它的糖份過高。就以這隻即沖燕麥飲品為例，每包33克，當中有超過1/4都是糖份。此外，每100克亦有9克脂肪(即接近兩茶匙)。要吃個健康早餐，其實還有好多健康選擇呀。

給大家參考：

http://kforkitchen.blogspot.hk/search/label/%E6%97%A9%E9%A4%90

《出街食乜好•揀飲擇食篇》- 8番拉麵

《出街食乜好》終於又有新update!! 今次想介紹《8番拉麵》嘅冷麵呀。

1）個汁唔鹹兼冇油，仲可以要求另上，咁就更易掌握鈉嘅攝取；

2）有少量唔鹹嘅泡菜，最好同朋友分享；

3）另有半隻蛋、紫菜、青瓜同火腿；

4）想營養更均衡，可以加個沙律走汁。

FYI: 香港8番拉麵店地址

1) 沙田沙田正街18號新城市廣場三期3樓。

2) 九龍灣偉業街33號德福廣場二期5樓501-502號舖。

3) 銅鑼灣軒尼詩道500號希慎廣場11樓Kitchen 11。

(Source: Openrice, as at 18 Sept 2014)

愈食愈瘦●米餅及脆口小食篇(不斷update中)

減磅期間都可以食零食？

係呀，其實只要識揀同埋計好食用份量，減磅期間都可以享受一下呢D脆卜卜而又冇咁肥嘅snacks~

每包76卡，脂肪只有0.9克。但糖和鈉就較多，要限量進食哦。

芥辣味米餅，0脂肪、低糖、OK低卡。(減磅中的朋友：每日最多食1/3-1/4包好了。)

另一隻健康米餅！味道超好的！又一低卡低脂之選。($15.9@YATA)

唉，我承認我真係好為食>v<，可能正正因為咁，所以我好有動力，四出搵呢D較健康嘅脆口小食。如果大家都食過咩好味健康食物，希望你都可以介紹俾Kay呀~ 多謝！

(17/9追加的新健康米餅一田超市有售)

世衞倡成人日減糖至6茶匙

舊聞分享。
世衞倡成人日減糖至6茶匙。唔，如果冇咗Splenda, 我自問都做唔到。>.<'



重點：
1) 一日一罐汽水 = 已經超標(7茶匙)；
2) 茶餐廳凍檸茶有5至6茶匙糖；
3) 粥粉麵飯等食物，已提供我們所需的糖份；
4) 一湯匙的茄汁 = 1茶匙糖；
5) 早餐穀物片為吸引兒童進食，會加入很多糖...... 

有時都會有少少覺得做人已經好似冇啖好食~ XDDD

http://hk.apple.nextmedia.com/news/art/20140307/18648346

Plank: 一個動作，做一分鐘瘦●全●身!!!

https://www.youtube.com/watch?v=eTbDevbMSo0

全球熱爆平板(plank)動作，Kay都係到今日先認識佢咋~ 宜家即刻好好練習，過一排同大家報告下個進展。>v<

雖然我唔太buy「一個動作可以瘦全身」呢個idea, 不過既然冇乜cost, 試下又無妨呀！^v^

第一日試玩報告: 我喺睡房試玩，堅持到半分鐘。可能因為自我感覺太良好，之後竟然唔覺意瞓著咗！！！XDDD


想知plank的正確姿態，可參考:

https://www.youtube.com/watch?v=TvxNkmjdhMM&feature=youtu.be

蓮藕清炒鴻喜菇(It's Green Monday!)

前兩天在偶像Carol老師的blog上看到這個菜，Kay在心中想像了一下那個味道，又想到家裡正好有兩包鴻喜菇，便立即著Adrian到街市買一段蓮藕回來，讓我也試做看看。

正所謂不時不吃，這段時間吃蓮藕就正好。蓮藕不單可以潤燥、滋陰、清熱，還有清心安神的作用。每100克蓮藕只有74卡，而且近乎零脂肪，（每100克只含0.03克飽和脂肪）屬於營養豐富的低卡食物。

若果大家都想查詢不同食物的營養資料，可以到食安中心的網站看看。

www.cfs.gov.hk/tc_chi/nutrient/indeed.php

材料（2人份）

蓮藕1段

鴻喜菇1包

薑數片

蒜片適量

水適量

調味料

蠔油1湯匙

味琳1湯匙

減鈉鹽少許

做法

1. 蓮藕洗淨去皮切薄片。

2. 鴻喜菇切除尾部洗淨。

3. 熱油鑊，加入薑和蒜片炒香。

4. 加入蓮藕片炒一會。

5. 加入適量的水煮數分鐘至自己喜歡的軟硬程度。

6. 加入所有蠔油和味琳與鴻喜菇同炒。

7. 再煮2-3分鐘收汁即成。
8. 如覺不夠味，可於上碟前加入少許減鈉鹽。

小貼士
1. 別以為蠔油都很肥，減磅期間絕不可食用。如果只是每人每餐吃1-2茶匙，其實是OK的啦。

木瓜雪耳糖水

中式糖水絕大部分都高脂高糖。如果好想滋潤一下（做老師會經常喉嚨乾涸呀），可以考慮「木瓜雪耳」。由於木瓜有天然的甜味，只需另加少許冰糖便OK!（我用太古的單晶冰糖 / 代糖。）

雪耳還有助紓緩便秘、高血壓等。但也切記不要吃過量，否則可能會腹瀉。此外，咳嗽中的病人也不宜食用。

雪耳可養顏，且素有平民燕窩之稱，可想而知它的營養價值的確非常高。大家有時間就試試這個簡單健康的糖水啦。

 14.9.2014的LC版

上次整呢個糖水已經係4月尾~ ^^

愈食愈瘦•嘉頓輕怡三文治包

早晨早晨！又到星期六嘞！今朝會想食麵包做早餐嗎？

Kay和很多朋友一樣，平時未必有時間自己做麵包。如果要買市面上的包包，哪款麵包又會比較少油少糖少鹽，適合小朋友和著重健康的你呢？

Kay比較了超級市場售賣的各大品牌，還有美心、東海堂和聖安娜各個口味的方包；結果發現，暫時以相片中的嘉頓輕怡三文治包最最健康！

嘉頓輕怡三文治包：每100克只有1.1克脂肪和0.7糖。鈉就同其他大牌子差不多。

參考/比較：

1）東海堂牛奶包：每100克含12.9克脂肪！
2）東海堂麥包：每100克含6.1克脂肪。

3）其他品牌的方包，每100克約含4-8克左右脂肪。

週末都要吃得健康哦。Wish you all a nice weekend! 

P.S: 好多網友反映話Garden出名多preservatives, 仲有就話白包唔夠fibre~ Kay都覺得係呀，不過因為好多人都話冇時間自己整,所以先叫我介紹一隻比較上健康DD嘅包囉~ &*

《出街食乜好•揀飲擇食篇》- 譚仔米線

大家去譚仔平時會叫咩餸呢？
知唔知點叫先係比較健康呢？

最好的選擇係未經加工的肉類，例如牛、豬、雞肉和膶。此外，鮮冬菇和其他菜類都是上佳的選擇。但係落order嘅時候，記得要叫走腐皮，因為腐皮雖然有益，但係由於佢經過油炸，所以都係少食為妙。

最後，如果真係好想食丸類嘅話，可以考慮魚蛋、牛丸同火腿，不過一星期不宜食得太多次，因為佢地始終都係加工嘅食品，容易令人水腫架。

噢，唔記得咗問：叫咩湯底係比較健康？啲湯其實又可唔可以飲架呢？

嚴格來說，當然是清湯 + 不要飲湯 = 最理想。

但由於咁樣做會完全失去做人嘅樂趣，所以我會叫碗10小麻辣+飲三兩啖湯其實都OK嘅。(個人經驗：飲得多會fat rate升&第二日即刻水腫同增磅(水份......))

下次叫湯底嘅時候就可以愈食愈瘦啦！
另外，由於酸辣湯底冇辣度選擇，所以有可能會比10小麻辣更肥/咸架。

P.S: 湯點解唔可以飲：想像一下，要由清水煮到辣辣咸咸咁成為我地飲到嘅湯，其實都要落好多添加物/肉/fat/鹽/醬...... 所以都係少飲為妙啦。^v^

《出街食乜好•揀飲擇食篇》- 元氣壽司

日本菜係比較健康嘅選擇，如果喺元氣食lunch, 你又會點揀？

Kay之選
1）元氣定食•刺身
壽司走沙律醬，因為脂肪率可以到達七成或以上。仲有儘量唔好食芥辣，因為同屬高脂食品。另外，麵豉湯通常都偏鹹，唔想水腫，就可免則免。
汽水可以選擇zero / light~
*甜品個＄12可以慳返。:-P

2）海鮮刺身丼：同屬安全之選。不過麵豉湯都係儘量唔好飲（下同），同埋唔好食wasabi~（我平時就都會食芝麻咁細粒嘅份量囉）

3）醬油漬三文魚親子丼：呢個我有啲保留，因為唔知佢嗰個「醬油漬」其實落咗啲乜。

4）炙燒三文魚丼：呢個都可以食，不過記得要走沙律醬。

5）日本溫泉玉子＋牛肉烏冬：呢個都可以食，不過唔好飲啲湯，仲有牛肉最好同朋友分享，因為如果係肥牛，一片已經有接近70-80卡路里。 

咁如果喺元氣食tea, 你又會點揀呢？

Kay之選
1）壽司的選擇：1c最健康！
除1c外，其餘的壽司都有沙律醬、甜蛋、腐皮或者炸蝦等食材，不適合減磅中的人食用。

2）小食的選擇：很可惜，只有2d可以選...... >.<'

3）輕食：三個理論上都可以食。但依次序，最好的選擇為：3c, 3b, 最後係3a. 主要嘅原因係第一、二個比較鹹少少（我食過），3b & 3c比較容易控制鈉嘅攝取。

追加項目：
飲品方面，可以選擇的都是zero / light~ ^^

《出街食乜好•揀飲擇食篇》- Outback Steakhouse

【出街食乜好】終於又有新update~! Sorry呀，因為要喺香港搵好食嘅「健康餐廳」真係唔容易。^^

今次繼續試埋Outback其他嘅lunch set, 繼續覺得感動！

18/9 就試咗呢個「華多夫雞肉沙律」同encore咗上次已經食過嘅「特色西冷牛扒」。

個dressing一定要另上，淺嘗1-2茶匙就好夠味啦。肉很多，打包了大半。這張相看起來好像有很多肉+很少菜，其實這個set lunch最最令Kay歡喜的，是它有超●多●菜●吃●的●喔！

  

又食咗「特色西冷牛扒」set~

 Kay's Choice: 右上角個set~

 呢兩個sets都OK~ 記得走汁/汁另上就得~

1) 湯：一定勁肥~ 有菜湯就要菜湯~ 如果冇就盡量唔好飲~ (我飲左兩湯匙。)
2) Salad: 記得叫左汁/另上。佢地好樂意架~ (好明顯我係唔記得咗......)
3) 檸茶唔落糖水/用代糖。
4) 跟包包果啲cream唔好食。
@Outback Tsim Sha Shui

圖為雞味飯~ 如果叫白飯就更好(updated on 18/9: 原來Outback係冇白飯提供嘅~)~ ^^
汁就盡量唔好食~ D蔬菜係蒸架~ 超light! 讚一個!!