【必掃 馬莎 低卡 超市產品 (超多圖)】

絕非廣告·真心用家·為咗寫好呢一篇文·食到我依家喉嚨痛⋯⋯

【一齊行馬莎 之 較健康食品推介】

（超多圖·90%相片攝於2016年8月7日尖沙咀彌敦道iSquare分店）

不如就由早餐穀物開始睇起：

1）全麥塊 $40 /450克

由24種全穀物造的早餐，鹽同糖都不算高。不用擔心不好吃哦，因為根本不會太好吃，哈哈哈！我唔想欺騙大家呀，太好吃的東西，通常都是一個伏。這個早餐算高纖，如果配米奶或杏仁奶，再適量加些新鮮水果、果乾或點點的蜜糖，頓時又會去咗另一個層次...... 講白啲即係唔會太難食 : ）。為了健康，建議大家真係要試吓，鼓起勇氣拎去俾完錢，其實已經成功咗一半。

（我平時都有食Weet-Bix $68 / 1.4公斤裝！）

2）Bran Flakes 高纖唔咸係有糖囉 食一碗50克都有兩茶匙糖

含wheat bran, 有豐富的水溶性纖維，又一排毒清腸高手。呢隻計重量好似冇咁抵食，但勝在夠方便，一倒出嚟就食得。

3）另一隻我間中都會食嘅粟米片 Cornflakes

平平地又大大盒，極低脂肪同算係少糖，不過唔算高纖維囉。我通常會混合其他我鍾意嘅穀物早餐一齊食。如果覺得All bran好鞋口，可以買呢隻溝淡。

之前喺沙田分店見到有脫脂同全脂牛奶（佢左邊個牌整錯左）(9/8後補資料: 同系列仲有「低脂奶」)

$25 / 1公升 每100毫升 0.1克脂肪+4.5克糖（牛奶會有天然存在嘅乳醣）

又係喺沙田偷影嘅：非油炸無調味果仁系列 $20-$48（不便宜哦！）

這張相拍攝於鑽石山荷里活廣場的馬莎：$18@

即食蘋果乾提子燕麥粥，一加熱水即刻可以食，每杯只有數十卡。

比較大間啲，位於商業區嘅馬莎，通常都會有幾個呢啲大雪櫃，賣芝士、三文魚同其他海鮮。另一邊嘅雪櫃，有新鮮嘅沙律菜、甘筍、生果、凍湯、小蕃茄、青瓜同意式食品。沙律菜附近，仲會有低脂沙律汁，不過所謂嘅低脂，都有差唔多30%脂肪架。

所謂嘅低脂，都有差唔多30%脂肪架。

4）無內疚感小食系列 / Guilt-free snacking

係咁多款當中，最得我歡心嘅口味有：

1. 蜜糖燒烤味全穀物脆片（較咸但曲曲地好正）每包126千卡
2. 酸忌廉扭扭薯片（試過俾佢扭嚟扭去嘅外型整損個口 XDDD）每包89千卡
3. 芝士洋蔥味薯片（超爆好食）每包94千卡

呢類小食記得都要適可而止，因為佢哋細細包，卡路里雖然唔容易超標，但部分口味嘅脂肪都唔低架。買嘅時候記得要睇下個營養標籤。

千祈唔好以為所有「減脂」「低脂」「減糖」「低糖」嘅產品都可以買好似呢款減脂芝士紅洋蔥薯片咁樣，每100克脂肪都有21.4克⋯⋯ 為咗健康，買嘢之前記得望吓個標籤。

5）今次偷拍之旅嘅重點-- THE ALL NEW ‘EAT WELL’ 系列！

有燕麥餅乾、烤種子、果仁、以至能量棒同各式脆口小食都有齊！

最吸引到我嘅，梗係唔同類型嘅脆脆小食啦！！

香港人生活同工作都咁大壓力，土地問題又未解決，有時都會嬲到想咬人，喺呢個時候我就會開一包食下。

以下為新出小食系列中較健康/好味嘅選擇：（約$12@）

1. 左上角紅色包裝：南非辣醬味烤豆脆條-- 每包89千卡 及 3.1克脂肪-- 香香辣辣但唔會咸。雖然唔喊，但因為有好多洋蔥粉、蒜粉、香料同煙紅椒粉等等，所以反而超香口同好味，鍾意食辣嘢必選！
2. 右上角淺藍色包裝：baked potato chips with cheese and chive seasoning-- 每包103千卡 及 2.8克脂肪  芝士味薯片：唔咸口，但勝在芝士味都算足，加上少少chives, 令成個味道都算豐富。
3. 右下角暗橙色包裝：baked sweet potato crisps with spicy chorizo flavour seasoning-- 每包85千卡 及 1.9克脂肪  微辣番薯片，有咬口，高纖但糖鹽會比上面兩隻略高。
4. 左下角姣紫色包裝：baked potato crisps with bacon, tomato and Worcestershire sauce flavour seasoning-- 每包102千卡 及 2.5克脂肪  4款當中最咸，又唔太明顯食到煙肉味嘅薯片。番茄味亦都唔太足夠，但好有咬口，可一解「薯片癮」！

6）英式烘餅 Crumpets $40

營養師Mandy大力推介：比一般市售麵包更健康，低脂OK低糖又唔鹹。夾吓三文魚生菜蕃茄芝士青瓜都好適合。每兩塊質感口實嘅包包，先至得214千卡，算係好飽肚又抵食。

7）曬冷！Guilt-free系列！

一大包裡面有五小包獨立包裝，價錢等於買四送一，最啱同同事或者注重健康嘅朋友分享。不過要留意，有部分比較甜，例如朱古力爆谷等等，建議要避開呢啲味道，總之買嘅時候自己睇睇標籤。

8）雪櫃系列：「脫脂」乳酪 $22@

味道非常好，沒有一般代糖吃完之後怪怪的口感。

雲呢拿味75千卡 & 士多啤梨味83千卡

每100克：0.3克脂肪

9）唔好買錯「低脂」系列，因為佢哋雖然低脂肪，但係糖分就高好多架。

（俾大家參考下，低脂蜜桃杏桃乳酪，每100克有11.1克糖）

10）低脂朱古力鬆餅甜品 及 朱古力慕絲：$25@ & $20@

呢兩款外表幾吸引，但由於我唔好甜品，所以冇食過。

11）脫脂希臘式乳酪

幾乎沒有任何脂肪，亦不算高糖，可以一試。除了做早餐或直接食用，還可以用來做沙律、打smoothies和做BBQ時用的甜辣醬等等。

12）飲品類（除了中間的橙汁以外，其他飲品都是近乎零卡路里）

左起：五款當中我最喜歡的檸檬味有氣飲品 $12@

粉紅色的那支，你自己決定飲唔飲，我望到個顏色有少少驚。哈哈。

中間的橙味……你懂的。哈哈哈。

最右手邊的兩支，其實是有果味的水，橙色的那支是有氣的血橙味的水。

有時天時暑熱，我也會敗給這些飲品，但總之不要多喝，因為成份裡頭的東西，都不是你身體需要的。

還有其他味道和大大支較為經濟的選擇。

遇上公司沒有準時發薪的日子，我會吃一包薯片，以平復我想咬人的心情。薯片是昨天吃的，汽水最後也喝了半支，薪金到今天卻依然無影無蹤。

點解做香港人咁陰公?!

***Kay減肥及健康產品代購 https://www.facebook.com/groups/1560377917612654/

***想睇更多健康食譜 & 減磅貼士，請到：https://www.facebook.com/kaysprivatekitchen/